O‘zbekistonlik tennischi Sarvar Ikromov Hindistondagi turnirni g‘alaba bilan boshladi

3-mart kuni Hindistonning Chandigar shahrida tennis bo‘yicha “Fyuchers” turkumidagi sovrin jamg‘armasi 10 ming AQSh dollaridan iborat turnirning asosiy to‘r bahslari boshlandi, deb xabar beradi “Olamsport.com”.

Ushbu musobaqada O‘zbekiston sharafini Sarvar Ikromov himoya qilmoqda. Qur’a natijasiga ko‘ra Sarvar birinchi bosqichda hindistonlik Ankit Sachdeva bilan hisob-kitob qildi.

Ikromov raqibini ikki setda 6:4, 6:4 hisobida taslim qildi va keyingi bosqichga yo‘l oldi.