2014-yil 24-fevral holatida www.uz saytlar katalogida jami 9418 ta resurs ro‘yxatga olingan, deb xabar bermoqda “Mobinfo.uz”. So‘nggi oy davomida Uznet saytlariga 2 millionga yaqin kishi tashrif buyurib, 20 milliondan ortiq sahifani ko‘rgan.
Saytlar reytingida “Uff.uz” yetakchilik qilayotgan bo‘lsa, keyingi o‘rinlarda “Mover.uz”, “Torg.uz”, “Daryo.uz” va “Player.uz” bormoqda. Shuningdek, kuchli o‘nlikdan “Championat.asia”, “MyTube”, “Stadion.uz”, “Kun.uz” va “Uzclub.net” ham o‘rin olgan.
Katalogning “Yangiliklar va OAV” bo‘limida esa “Daryo” yetakchilik qilmoqda. Keyingi o‘rinlarda “Kun.uz”, “Afisha.uz”, “Daxshat.uz” va “Gazeta.uz” qayd etilgan.
Uznet foydalanuvchilarining 49,5 foizi Windows, 21,7 foizi Android, 5,5 foizi iOS, 9,6 foizi Java, 3 foizi Symbian operatsion tizimlaridan foydalanadi. Qolgan operatsion tizimlarning ulushi 8 foizni tashkil etsa, 2 foiz foydalanuvchilar o‘rnatilmagan operatsion tizimlarga ega. Uznet foydalanuvchilarining 45,2 foizi mobil qurilmalardan internetga kiradi.
Izoh (0)