«Дарё» Узнет сайтлари етакчилари қаторида эътироф этилди

2014 йил 24 февраль ҳолатида www.uz сайтлар каталогида жами 9418 та ресурс рўйхатга олинган, деб хабар бермоқда «Mobinfo.uz». Сўнгги ой давомида Узнет сайтларига 2 миллионга яқин киши ташриф буюриб, 20 миллиондан ортиқ саҳифани кўрган.

Сайтлар рейтингида «Uff.uz» етакчилик қилаётган бўлса, кейинги ўринларда «Mover.uz», «Torg.uz», «Daryo.uz» ва «Player.uz» бормоқда. Шунингдек, кучли ўнликдан «Championat.asia», «MyTube», «Stadion.uz», «Kun.uz» ва «Uzclub.net» ҳам ўрин олган.

Каталогнинг «Янгиликлар ва ОАВ» бўлимида эса «Дарё» етакчилик қилмоқда. Кейинги ўринларда «Kun.uz», «Afisha.uz», «Daxshat.uz» ва «Gazeta.uz» қайд этилган.

Узнет фойдаланувчиларининг 49,5 фоизи Windows, 21,7 фоизи Android, 5,5 фоизи iOS, 9,6 фоизи Java, 3 фоизи Symbian операцион тизимларидан фойдаланади. Қолган операцион тизимларнинг улуши 8 фоизни ташкил этса, 2 фоиз фойдаланувчилар ўрнатилмаган операцион тизимларга эга. Узнет фойдаланувчиларининг 45,2 фоизи мобил қурилмалардан интернетга киради.