Yagona portalda Toshkentdagi transport vositalarini 2015-yilda majburiy texnik ko‘rikdan o‘tkazish haqidagi normativ hujjat muhokama qilinmoqda

Yagona portalda Toshkentdagi transport vositalarining 2015-yilda majburiy texnik ko‘rikdan o‘tkazish haqidagi normativ hujjat muhokama qilinmoqda.

“Yo‘l harakati xavfsizligi to‘g‘risida”gi O‘zbekiston Respublikasi Qonunining 13-moddasi, O‘zbekiston Respublikasi Vazirlar Mahkamasining 2003-yil 31-yanvardagi 54-son qarori bilan tasdiqlangan “Transport vositalarini majburiy texnik ko‘rikdan o‘tkazish tartibi to‘g‘risida”gi Nizomga muvofiq, yuridik va jismoniy shaxslarga tegishli bo‘lgan va belgilangan tartibda O‘zbekiston Respublikasi Ichki ishlar Vazirligining  Davlat yo‘l harakati xavfsizligi xizmati organlarida ro‘yxatdan o‘tkazilgan transport vositalarining 2014-yilda majburiy texnik ko‘rigini tashkil etish maqsadida, “Mahalliy davlat hokimiyati to‘g‘risida”gi O‘zbekiston Respublikasi Qonunining 6-moddasiga asosan, Toshkent shahar hokimiyatining hujjat loyihasi muhokama qilinmoqda.

Ushbu muhokama 2015-yilning 29-yanvaridan boshlanib, joriy yilning 2-fevraligacha davom etadi.

Unga ko‘ra, Toshkent shahridagi transport vositalari va ularga tirkamalar 2015-yilda belgilangan tartibda majburiy texnik ko‘rikdan o‘tkaziladi. Bunda, quyidagi davriylikka amal qilinadi:

• Tijorat vositasida yo‘lovchilar tashish uchun foyalaniladigan yengil avtomobillar, avtobuslar, tramvaylar va o‘tiriladigan joylar soni 8 ta va undan ortiq bo‘lgan (haydovchining o‘rnidan tashqari), odamlarni muntazam tashish uchun jihozlangan yuk avtomobillari, yirik gabaritli, og‘ir vaznli va xavfli yuklarni tashish uchun maxsus transport vositalari hamda ularga tirkamalar – bir yilda ikki marta (birinchi marta − 1-martdan 30-iyungacha, ikkinchi marta – 1-sentabrdan 31-oktabrgacha);
• Ishlab chiqarilganligiga besh yildan ko‘p bo‘lmagan (ishlab chiqarilgan yili ham shu jumlaga kiradi) transport vositalari (tijorat asosia yo‘lovchilar tashish uchun foydalanilaigan yengil avtomobillar, tramvaylar va o‘tiriladigan joylar soni 8 ta va undan ortiq bo‘lgan  (haydovchining o‘rnidan tashqari), odamlarni muntazam tashish uchun jihozlangan yuk avtomobillari, yirik gabaritli, og‘ir vaznli va xavfli yuklarni tashish uchun maxsus transport vositalari hama ularga tirkamalardan tashqari) – ikki yilda bir marta;
• Ishlab chiqarilgan yilini hisobga olgan holda ishlab chiqarilganligiga besh yildan ortiq bo‘lgan transport vositalari, shuningdek ishlab chiqarilgan vaqti aniqlanmagan transport vositalari (tijorat asosida yo‘lovchilar tashish uchun foydalaniladigan yengil avtomobillar, avtobuslar, tramvaylar va o‘tiriladigan joylar soni 8 ta va unan ortiq bo‘lgan (haydovchining o‘rnidan tashqari), odamlarni muntazam tashish uchun jihozlangan yuk avtomobillari, yirik gabaritli, og‘ir vaznli va xavfli yuklarni tashish uchun maxsus transport vositalari va ularga tirkamalardan tashqari) – bir yilda bir marta.