Mo‘g‘ulistonning Songinoxairxan viloyatida yoshi 200 da deb taxmin qilinayotgan erkak jasadi lotos (yogadagi o‘tirish) holatida topildi, deb xabar bermoqda “Segodnya.ua”.
Hayratlanarlisi, jasad juda yaxshi saqlangan, unda birorta chirish alomati aniqlanmagan. Hozirda jasad Ulan-Batordagi tibbiy ekspertiza institutiga tadqiqot uchun olib kelingan. Hozirdanoq erkak o‘lmagani, balki chuqur meditatsiya holatiga kirgani haqida nazariya paydo bo‘lgan.
Shuningdek, bu buryatlarning taniqli ustozi Xambo-lama Dashi-Dorjo Itigelov ekanligi haqida ham taxmin qilinmoqda. Olimlar uning tirik yoki o‘lgani bo‘yicha haligacha bir fikrga kelmagan. Rossiyalik buddaviylar uni 1927-yildan buyon nirvana darajasida turibdi, deb hisoblaydi. Buryatiyadagi Ivolgin datsanida unga atab maxsus saroy qurilgan.
Izoh (0)