Qozog‘iston lotin alifbosiga o‘tishdan voz kechmoqchi emas. Biroq zarur ta’lim dasturlarini tayyorlash kerakligi uchun jarayon cho‘zilib ketishi mumkin. Bu haqda mamlakat madaniyat va sport vaziri Aristanbek Muhammado‘g‘liga tayanib, “24.kg” xabar berdi.
“Bilasizki, lotin alifbosiga o‘tish — uzoq muddatli dastur. Asosiy qadamlar 2025-yilda qo‘yiladi”, — dedi u.
Uning aytishicha, ayni paytda kirill yozuvidan lotin yozuviga o‘tish olimlar tomonidan puxta o‘rganilmoqda. Qozoq alfaviti va harflar talaffuzi ishlab chiqilgan dasturlarda ko‘zda tutilganidan ko‘ra ancha keng belgilar lineykasini talab etgani tufayli kompyuter dasturlari va klaviaturalarini moslashtirishda qiyinchilik yuzaga kelmoqda.
“Bundan tashqari, o‘quv dasturlarini ham tayyorlash zarur, shuning uchun o‘tish jarayoni tez bo‘lmayapti. Lekin lotin alifbosiga o‘tish grafik bo‘yicha olib boriladi”, — deya xulosa qildi u.
Izoh (0)