O‘zbekiston 2015-yilning 20 ta eng istiqbolli sayyohlik yo‘nalishlari qatoriga kiritildi

The Huffington Post nashri 2015-yilda eng istiqbolli sayohat yo‘nalishlari bo‘lishi kutilayotgan 20 mamlakat ro‘yxatini e’lon qildi, deb xabar bermoqda “Uz24.uz”.

Qayd etilishicha, yildan yilga dunyoning eng uzoq burchaklariga sayohat qilish osonlashib bormoqda. Eng katta o‘sishga erishi kutilayotgan yo‘nalishlar sayyohlarning ulkan oqimi kuzatilmaydigan joylar ekanligi aytilgan. Kimdir Tinch okeani orollaridagi manzaradan bahra olishni istasa, boshqalar eng g‘ayrioddiy va odmazotga unchalik ma’lum bo‘lmagan joylarni ma’qul ko‘rmoqda.

So‘nggi yillarda Buyuk ipak yo‘li yoqasida joylashgan mamlakatlarga sayohat qilish ommalashib bormoqda. O‘zbekiston Markaziy Osiyoning haqiqiy arxeologik, me’moriy va madaniy marvaridi sifatida e’tirof etilgan. Nashr O‘zbekistonni eng xavfsiz hududlardan biri sifatida ham qayd etgan. Sayyohlar Samarqand, Buxoro, Xiva singari afsonaviy shaharlardagi choyxona va sharq bozorlarida Buyuk ipak yo‘lining aqdimiy muhitini his qilishlari mumkin. Tabiat shaydolari uchun tog‘larda, vodiylarda, shuningdek qurib borayotgan Orol dengizi havzasida ajoyib joylar mavjud.