O‘zbekiston milliy terma jamoasi 2015-yilgi Osiyo kubogidagi ilk sinovdan muvaffaqiyatli o‘tib olganidan xabaringiz bor. Garchi avvalgi musobaqadagi kabi ilk o‘yinda katta sensatsiya qila olmagan bo‘lsak-da, ammo ishonchli o‘yinimiz bilan kutilgan natijaga erisha oldik.
Milliy terma jamoa haqida maqola yozish – og‘ir ish. Chunki sal noto‘g‘riroq fikr berib qo‘ysang, muxlislar toshbo‘roniga uchrashing aniq. Aslida to‘g‘ri fikr bersang ham toshdan qochib qutula olmaysan. Chunki muxlislarimizning o‘zi MTJ haqida turlicha fikrda.
Shu sababli eng oson yo‘l, terma jamoa haqida statistik maqola yozish. Bor raqamlarni aytasan, tamom. Shaxsiy fikrlarni esa, musobaqa tugagandan so‘ng, yakuniy natijaga qarab, bemalol yozaverasan. Menimcha, shunisi qulay.
“Xushnudbek.uz” saytida e’lon qilingan ushbu maqola O‘zbekistonning Osiyo kuboklari ilk o‘yinida ishtirok etgan tarkibi haqida bo‘ladi.
O‘zbekiston MTJ Osiyo kubogida oltinchi marta ishtirok etmoqda va ilk o‘yinga olti xil tarkib tushirilgan.
Agar tarkiblarni tahlil qiladigan bo‘lsak, Osiyo kubogining ilk o‘yinida asosiy tarkibdan eng ko‘p joy egallagan futbolchi, bu – Server Jeparov (2004, 2007, 2011, 2015).
Shuningdek, Timur Kapadze ham 4 marta Osiyo kubogining ilk o‘yinida ishtirok etgan, faqat 2004-yili u asosiy tarkibda emas, balki zaxiradan maydonga tushgan.
Futbolchilarimizdan Pavel Bugalo (1996, 2000, 2007) hamda Aziz Haydarov (2007, 2011, 2015) uch marta ilk o‘yinda asosiy tarkibda ishtirok etish baxtiga musharraf bo‘lgan. Shuningdek, zaxiradan tushganligini ham hisobga olsak, Nikolay Shirshov (1996, 2000, 2004) va Aleksandr Geynrix (2004, 2007, 2011) ham uch marta ilk o‘yinda qatnashgan.
Endi asosiy tarkibdagi futbolchilar yoshini tahlil qilsak. Tahlillar shuni ko‘rsatdiki, Mirjalol Qosimov O‘zbekiston MTJ tarixida Osiyo kuboklarining ilk o‘yiniga eng “qari” tarkibni tanlagan. 2007-yilgi Osiyo kubogining ilk o‘yinida bosh murabbiy Rauf Inileyev tanlagan tarkib esa eng yosh tarkib bo‘lgan.
O‘zbekiston ishtirok etgan barcha Osiyo kuboklarining ilk o‘yinidagi tarkiblarning yosh tahlili quyidagicha:
1996-yilgi asosiy tarkib:
2000-yilgi asosiy tarkib:
2004-yilgi asosiy tarkib:
2007-yilgi asosiy tarkib:
2011-yilgi asosiy tarkib:
2015-yilgi asosiy tarkib:
Maqolani tayyorlashda Uzfootball.uz sayti ma’lumotlaridan foydalanildi.
Izoh (0)