Осиё кубоги-2015’даги таркибимиз: «қария»лар эъзозда

Ўзбекистон миллий терма жамоаси 2015 йилги Осиё кубогидаги илк синовдан муваффақиятли ўтиб олганидан хабарингиз бор. Гарчи аввалги мусобақадаги каби илк ўйинда катта сенсация қила олмаган бўлсак-да, аммо ишончли ўйинимиз билан кутилган натижага эриша олдик.

Миллий терма жамоа ҳақида мақола ёзиш – оғир иш. Чунки сал нотўғрироқ фикр бериб қўйсанг, мухлислар тошбўронига учрашинг аниқ. Аслида тўғри фикр берсанг ҳам тошдан қочиб қутула олмайсан. Чунки мухлисларимизнинг ўзи МТЖ ҳақида турлича фикрда.

Шу сабабли энг осон йўл, терма жамоа ҳақида статистик мақола ёзиш. Бор рақамларни айтасан, тамом. Шахсий фикрларни эса, мусобақа тугагандан сўнг, якуний натижага қараб, бемалол ёзаверасан. Менимча, шуниси қулай.

«Xushnudbek.uz» сайтида эълон қилинган ушбу мақола Ўзбекистоннинг Осиё кубоклари илк ўйинида иштирок этган таркиби ҳақида бўлади.

Ўзбекистон МТЖ Осиё кубогида олтинчи марта иштирок этмоқда ва илк ўйинга олти хил таркиб туширилган.

Агар таркибларни таҳлил қиладиган бўлсак, Осиё кубогининг илк ўйинида асосий таркибдан энг кўп жой эгаллаган футболчи, бу – Сервер Жепаров (2004, 2007, 2011, 2015).

Шунингдек, Тимур Кападзе ҳам 4 марта Осиё кубогининг илк ўйинида иштирок этган, фақат 2004 йили у асосий таркибда эмас, балки захирадан майдонга тушган.

Футболчиларимиздан Павел Бугало (1996, 2000, 2007) ҳамда Азиз Ҳайдаров (2007, 2011, 2015) уч марта илк ўйинда асосий таркибда иштирок этиш бахтига мушарраф бўлган. Шунингдек, захирадан тушганлигини ҳам ҳисобга олсак, Николай Ширшов (1996, 2000, 2004) ва Александр Гейнрих (2004, 2007, 2011) ҳам уч марта илк ўйинда қатнашган.

Энди асосий таркибдаги футболчилар ёшини таҳлил қилсак. Таҳлиллар шуни кўрсатдики, Миржалол Қосимов Ўзбекистон МТЖ тарихида Осиё кубокларининг илк ўйинига энг «қари» таркибни танлаган. 2007 йилги Осиё кубогининг илк ўйинида бош мураббий Рауф Инилеев танлаган таркиб эса энг ёш таркиб бўлган.

Ўзбекистон иштирок этган барча Осиё кубокларининг илк ўйинидаги таркибларнинг ёш таҳлили қуйидагича:

1996 йилги асосий таркиб:

2000 йилги асосий таркиб:

2004 йилги асосий таркиб:

2007 йилги асосий таркиб:

2011 йилги асосий таркиб:

2015 йилги асосий таркиб:

Мақолани тайёрлашда Uzfootball.uz сайти маълумотларидан фойдаланилди.