Fidel Kastroning jiyani Alexandro Kastro Espin Kuba inqilobi yetakchisining o‘limi haqidagi mish-mishlarni rad etdi, deb xabar bermoqda “Rossiyskaya gazeta”.
Kubaning hozirgi yetakchisi Raul Kastroning o‘g‘lining so‘zlariga ko‘ra, Fidel Kastro o‘zini yaxshi his qilmoqda. Hozirda Gretsiyada bo‘lib turgan Alexandro Kastro amakisini oxirgi marta ikki kun oldin ko‘rganini ma’lum qilgan va uning salomatligi haqidagi mish-mishlarga e’tibor bermaslikni so‘ragan.
Qayd etilishicha, so‘nggi kunlarda internetda Fidel Kastro vafot etgani haqida xabarlar tarqalib ketgan. G‘arbning ba’zi nashrlari hattoki Venesueladagi kubalik harbiylar ommaviy ravishda mamlakatga qaytayotganini, rejalashtirilmagan matbuot anjumani o‘tkazilishini va Raul Kastroning chiqish qilishi ehtimoli borligini ma’lum qilgan.
Izoh (0)