Bugungi taomnomada — oshqovoq bilan pishirilgan sudak balig‘i
Zarur masalliqlar:
- 150 g sudak filesi
- 200 g oshqovoq
- 20 g shakar
- 15 g shampinyon qo‘ziqorini
- 1 bog‘ petrushka
- 100 g qaymoq
- 40 ml zaytun yog‘i
- tuz
- murch
Tayyorlanishi:
1. 150 g sudak balig‘i filesini olib, tuzlaymiz va murchlaymiz.
2. So‘ng uni parovarkada yoki manti qozonda (yoki o‘zingizga qulay boshqa idishda) bug‘da 20 daqiqa davomida pishiramiz.
3. Baliq pishgunicha, sousni tayyorlaymiz. Buning uchun avval 15 g shampinyon qo‘ziqorinini mayda kubik qilib to‘g‘raymiz.
4. Uni 20 ml zaytun yog‘ida qovurib olamiz. Ta’bga ko‘ra tuz va murch sepamiz.
5. Ustiga 100 g qaymoq qo‘shamiz.
6. Qaynab chiqqach, mayda to‘g‘ralgan petrushka solamiz. So‘ng sousni olovdan olamiz.
7. Endi garnir tayyorlashga kirishamiz: 200 g oshqovoqni po‘stidan tozalaymiz va o‘rtacha kattalikdagi kubiklar shaklida to‘g‘raymiz.
8. Ustiga 20 ml zaytun yog‘idan quyamiz.
9. 20 g shakar sepamiz.
10. So‘ng uni 200 darajagacha qizdirilgan duxovkada 15 daqiqa davomida pishiramiz.
11. Oshqovoq pishgach, uni likopga maxsus qolip yordamida chiroyli qilib qo‘yamiz.
12. Yoniga pishgan sudak filesini qo‘yib, ustidan sous quyamiz.
13. Petrushka bilan bezatamiz.
Taom tayyor. Yoqimli ishtaha!
Ushbu taomni tayyorlashda foydalanilgan mahsulotlarni Korzinka.uz supermarketlaridan xarid qilishingiz mumkin.
Ularning narxlari bilan quyidagi jadvalda tanishishingiz mumkin. Narxlar 30-dekabr holatiga keltirilgan.
Rukn homiysi — Korzinka.uz supermarketlar tarmog‘i.
Taomni tayyorlashda bergan ko‘magi uchun Toshkentdagi Affresco qahvaxonasi va shaxsan bosh oshpaz Irena Purseladzega minnatdorchilik bildiramiz.
Ruknimizning keyingi sonida Yangi yil dasturxonini bezatamiz.
Izoh (0)