Янги йил дастурхонига судак балиғини ошқовоқ билан пиширамиз

«Дарё» нашрининг Korzinka.uz супермаркетлар тармоғи билан ҳамкорликдаги Янги йилга бағишланган лойиҳаси доирасида байрам дастурхонига тортиш мумкин бўлган таомлар рецептини тақдим этиб боришда давом этамиз.

Бугунги таомномада — ошқовоқ билан пиширилган судак балиғи

Ушбу таомни тайёрлаш учун тахминан 45 дақиқа вақт ва 11 853 сўм талаб этилади.

Зарур масаллиқлар:

• 150 г судак филеси
• 200 г ошқовоқ
• 20 г шакар
• 15 г шампиньон қўзиқорини
• 1 боғ петрушка
• 100 г қаймоқ
• 40 мл зайтун ёғи
• туз
• мурч

Тайёрланиши:

1. 150 г судак балиғи филесини олиб, тузлаймиз ва мурчлаймиз.

2. Сўнг уни пароваркада ёки манти қозонда (ёки ўзингизга қулай бошқа идишда) буғда 20 дақиқа давомида пиширамиз.

3. Балиқ пишгунича, соусни тайёрлаймиз. Бунинг учун аввал 15 г шампиньон қўзиқоринини майда кубик қилиб тўғраймиз.

4. Уни 20 мл зайтун ёғида қовуриб оламиз. Таъбга кўра туз ва мурч сепамиз.

5. Устига 100 г қаймоқ қўшамиз.

6. Қайнаб чиққач, майда тўғралган петрушка соламиз. Сўнг соусни оловдан оламиз.

7. Энди гарнир тайёрлашга киришамиз: 200 г ошқовоқни пўстидан тозалаймиз ва ўртача катталикдаги кубиклар шаклида тўғраймиз.

8. Устига 20 мл зайтун ёғидан қуямиз.

9. 20 г шакар сепамиз.

10. Сўнг уни 200 даражагача қиздирилган духовкада 15 дақиқа давомида пиширамиз.

11. Ошқовоқ пишгач, уни ликопга махсус қолип ёрдамида чиройли қилиб қўямиз.

12. Ёнига пишган судак филесини қўйиб, устидан соус қуямиз.

13. Петрушка билан безатамиз.

Таом тайёр. Ёқимли иштаҳа!

Ушбу таомни тайёрлашда фойдаланилган маҳсулотларни Korzinka.uz супермаркетларидан харид қилишингиз мумкин.

Уларнинг нархлари билан қуйидаги жадвалда танишишингиз мумкин. Нархлар 30 декабрь ҳолатига келтирилган.

Рукн ҳомийси — Korzinka.uz супермаркетлар тармоғи.

Таомни тайёрлашда берган кўмаги учун Тошкентдаги  Affresco қаҳвахонаси ва шахсан бош ошпаз Ирена Пурцеладзега миннатдорчилик билдирамиз.

Рукнимизнинг кейинги сонида Янги йил дастурхонини безатамиз.