O‘zbekistonda 2014-yil 21-dekabr kuni Oliy Majlis Qonunchilik palatasi hamda xalq deputatlari viloyat, tuman va shahar Kengashlariga saylovlar bo‘lib o‘tmoqda, deb xabar beradi O‘zbekiston Milliy axborot agentligi.
O‘zbekiston Respublikasi Prezidenti Islom Karimov 21-dekabr kuni ovoz berish uchun Oliy Majlis Qonunchilik palatasi hamda Toshkent shahar Kengashiga saylov o‘tkazuvchi 644-saylov uchastkasiga tashrif buyurdi.
Mustaqillik yillarida O‘zbekistonda Konstitutsiya bilan kafolatlangan saylov tizimi yaratildi. Bu tizim izchil takomillashtirib borilmoqda.
Xususan, saylov yakunlariga ko‘ra parlamentda eng ko‘p deputatlik o‘rnini olgan siyosiy partiya tomonidan O‘zbekiston Respublikasi Bosh vaziri nomzodi taklif etilishi tamoyili hamda hukumatga nisbatan ishonchsizlik votumi institutining joriy etilishi o‘z mazmun-mohiyati bilan O‘zbekistonni isloh etish va demokratlashtirishning yangi bosqichini boshlab berdi.
Izoh (0)