Argentinaning “San Lorenso” klubi bosh murabbiyi Edgardo Bausa klublar o‘rtasidagi jahon chempionati finalida o‘z jamoasi “Real” ustidan g‘alaba qozonishiga ishonishini aytdi, deb xabar beradi “Stadion.uz”.
“G‘alaba uchun imkoniyatlarimiz yetarli. Futbolda faqat g‘alaba haqida o‘ylash kerak. Biz yarim finalda g‘alaba qozondik va finalda ham raqibni mag‘lub etish haqida o‘ylayapmiz.
Final — bu boshqa hikoya. ‘Real’ga qarshi munosib o‘yin ko‘rsatishga va ular ustidan g‘alaba qozonishga harakat qilamiz. ‘Real’ni mag‘lub eta olamiz”, — dedi Bausa.
Eslatib o‘tamiz, Marokashda davom etayotgan klublar o‘rtasidagi jahon chempionati finalida “Real” va “San Lorenso” klublari o‘zaro bahs olib boradi.
Izoh (0)