Sidney politsiyasi qahvaxonani garovga olgan jinoyatchi yo‘q qilinganini tasdiqladi

Avstraliya politsiyasi Sidney shahridagi Lindt shokolad fabrikasiga tegishli qahvaxona xodimlari va mijozlarini asirga olgan bosqinchi yo‘q qilinganini tasdiqladi, deb xabar bermoqda “Gazeta.ru”.

Politsiya ma’lumotlariga ko‘ra, qahvaxonani egallab olgan bosqinchi − 50 yoshli Xarom Monis, shuningdek 38 yoshli ayol va 34 yoshli erkak halok bo‘lgan. Yana ikki kishi hayot uchun xavfli bo‘lmagan jarohatlar bilan shifoxonaga yotqizilgan, bir nafar politsiyachining yuziga o‘q tekkan.

Eslatib o‘tamiz, bosqinchi 30 ga yaqin kishini qahvaxonada 16 soatga yaqin asirlikda ushlab turdi. Baland portlash ovozidan keyin bir necha asir u yerdan qochib chiqqach, hujum operatsiyasi boshlangan. Keyin yana bir necha marta portlash ovozi eshitilgan.