Turkmaniston−Eron chegarasida Qozog‘iston−Turkmaniston−Eron temir yo‘lining ochilish marosimi bo‘lib o‘tdi, deb xabar bermoqda “Trend.az”.

Marosimda Qozog‘iston Prezidenti Nursulton Nazarboyev, Turkmaniston Prezidenti Gurbanguli Berdimuhammedov hamda Eron Prezidenti Hasan Ruhoniy ishtirok etdi. 925 kilometrlik temir yo‘lning 85 kilometrlik qismi Eron, 700 kilometrlik qismi Turkmaniston va 140 kilometri Qozog‘iston hududidan o‘tgan.

Qozog‘iston−Turkmaniston−Eron temir yo‘li 2007-yilda imzolangan “Shimol−Janub” xalqaro transport koridori loyihasining bir qismi hisoblanadi. Osiyo taraqqiyot banki va Islom taraqqiyot banki ko‘magida qurilgan temir yo‘ldan dastlab yiliga 3−5 million tonna, keyin esa 10−12 million tonna yuk o‘tkazish rejalashtirilmoqda.