FIFA referisi Valentin Kovalenko boshchiligidagi o‘zbekistonlik hakamlar brigadasi Saudiya Arabistonida bo‘lib o‘tayotgan Fors Ko‘rfazi Kubogi yarim final o‘yinini boshqardi, deb xabar bermoqda O‘zbekiston Futbol Federatsiyasi.
Turnir mezbonlari — Saudiya Arabistoni va BAA terma jamoalari o‘rtasidagi bahs ancha keskin va kurashlarga boy tarzda kechdi. Mazkur o‘yinda Kovalenkoga qanotlarda Ma’mur Sadiqosimov va Alisher Usmonov yordam berdi.
Qiziqarli va gollarga boy uchrashuvda Saudiya Arabistoni terma jamoasi 3:2 hisobida g‘alaba qozondi va finalga yo‘llanma oldi. Saudiya Arabistoni terma jamoasi finalda Ummon terma jamoasini yarim finalda 3:1 hisobida mag‘lubiyatga uchratgan Qatar terma jamoasiga qarshi bahs olib boradi.
Eslatib o‘tamiz, Saudiya Arabistoni terma jamoasi OK — 2015 guruh bosqichida O‘zbekiston milliy terma jamoasiga raqiblik qiladi.
Fors Ko‘rfazi Kubogi (yarim final)
Saudiya Arabistoni — BAA: 3:2
Hakamlar: Valentin Kovalenko, Ma’mur Saidqosimov, Alisher Usmonov (barchasi O‘zbekiston), Muhannad Qosim (Iroq).
Gollar: Nosir Al Shamroniy 19, Navaf Al Obid 22, Salim Al Davsari 86 — Ahmad Halil 53, 79.
Izoh (0)