Yevropa Kengashi: Qrimda inson huquqlari bilan bog‘liq vaziyat keskin yomonlashdi

Qrimda inson huquqlari bilan bog‘liq vaziyat Rossiya “istilosi”dan keyin keskin yomonlashdi. Bu haqda Yevropa Kengashining yangi ma’ruzasida aytiladi, deya xabar bermoqda “Vedomosti”.

Inson huquqlari bo‘yicha Yevropa Kengashi komissari Nil Muyjniyeks so‘zlariga ko‘ra, Qrimda siyosiy ahamiyatga ega bo‘lgan qotillik va bedarak yo‘qolishlar sodir bo‘lgan.

Hujjatda ta’kidlanishicha, ayniqsa, Qrim tatarlari jiddiy ahvoldadir. “Niqob kiygan qurolli kishilar ibodatxonalar, muassasalar va xususiy uylarga tez-tez reyd uyushtirib turadi. O‘zlari aytishicha, ular aqidaparastlik adabiyotlari va qurol-yarog‘ qidiradi”, — deyiladi hujjatda.

“Kimdadir qurol-yarog‘ aniqlangani haqida esa eshitmadim”, — dedi Muyjniyeks, Qrim tatarlari orasida diniy aqidaparastlik bo‘lmagani va bo‘lmasligini ta’kidlar ekan.