Toshkent shahridagi “Fleshka” savdo majmuasida LG G3’ning kichikroq turi — LG G3 S smartfonining sotuvi boshlandi. Bu haqda Mobinfo.uz ma’lumotiga asoslanib “Parol” nashri xabar berdi.
LG G3 S smartfonida 5 dyuym 1280×720 pikselli IPS-displey, 1,2 GGs chastotaga ega to‘rt yadroli protsessor, 1 Gb tezkor va 8 Gb ichki xotira (+MicroSD), 2540 mA·soat quvvatga ega batareya, Android 4.4.2 operatsion tizimi, 1,3 megapikselli old va 8 megapikselli orqa kamera o‘rnatilgan.
Uning o‘lchamlari 137,7×69,6×10,3 millimetrni, og‘irligi esa 134 grammni tashkil etadi. Unda LG G3’dagi kabi Touch & Shoot, Smart Keyboard va QuickMemo+ funksiyalari mavjud. Xabarda ta’kidlanichicha, “Fleshka” savdo majmuasida LG G3 S smartfonini negadir LG G3 Mini deya sotishmoqda.
Ushbu smartfonni “Fleshka” savdo majmuasida 1 150 000 so‘mdan xarid qilish mumkin. Eslatib o‘tamiz, LG G3 smartfoni esa ushbu majmuada 27-sentabr holatiga ko‘ra 1 800 000 so‘mdan sotilmoqda.
Izoh (0)