Vnukovoda samolyot bilan to‘qnashgan qor tozalovchi mashina haydovchisi ikki sutkaga hibsga olindi
Moskvadagi Vnukovo aeroportida Fransiyaning Total neft kompaniyasi prezidenti va uch nafar ekipaj a’zosi o‘rin olgan samolyot bilan to‘qnashib ketgan qor tozalovchi mashina haydovchisi Vladimir Martinenko ikki sutkaga hibsga olindi, deb xabar bermoqda Meduza. Tergov guruhi yaqin orada suddan uning qamoqqa olinishini so‘rashi mumkin.
Rossiya Tergov qo‘mitasi vakillarining fikricha, halokatga aeroport xodimlari harakatlarining kelishib amalga oshirilishini ta’minlay olmagan mas’ul shaxslarning jinoyatga moyil beparvoligi sabab bo‘lgan. Guvohlarning so‘zlariga ko‘ra, to‘qnashuv vaqtida qor tozalovchi mashina ikkita uchish-qo‘nish yo‘lagi kesishuvida bo‘lgan, aslida bunday joyga texnika borishi taqiqlangan.
Avvalroq, Total prezidenti Kristof de Marjeri va uch ekipaj a’zosi o‘rin olgan yengil dvigatelli samolyot Vnukovo aeroportida qor tozalovchi mashina bilan to‘qnashib ketishi oqibatida samolyotdagi barcha kishilar halok bo‘lgani, hech qanday zarar ko‘rmagan qor tozalovchi mashina haydovchisi esa mast holatda bo‘lgani aniqlangani xabar berilgan edi.
