21-oktabrga o‘tar kechasi Moskvadagi Vnukovo aeroportida Fransiyaning Total neft-gaz kompaniyasi prezidentining samolyoti bilan to‘qnashib ketgan qor tozalovchi mashinaning haydovchisi mast holatda bo‘lgani aniqlandi. Bu haqda Rossiya tergov qo‘mitasi rasmiy axborotiga asoslanib Meduza xabar bermoqda.
Xabarda aytilishicha, jinoiy ish tergovi jarayonida aeroportning bir necha xodimlari o‘z vazifalarini bajarishdan ozod etilishi to‘g‘risida qaror qabul qilinishi mumkin.
Avvalroq, Total prezidenti Kristof de Marjeri hamda uch ekipaj a’zosi o‘rin olgan Dassault Falcon 50 biznes-samolyoti Vnukovo aeroportida qor tozalovchi mashina bilan to‘qnashib ketgani xabar berilgan edi. Samolyot ichida bo‘lgan barcha to‘rt kishi halok bo‘lgan, qor tozalovchi mashina haydovchisiga zarar yetmagan.
Izoh (0)