Germaniya federal razvedka xizmati (BND) Ukraina osmonida halokatga uchragan “Boing” bo‘yicha javobgarlikni rossiyaparast ayirmachilar bo‘yniga qo‘ydi. Bu haqda Der Spiegel jurnaliga tayanib Korrespondent.net xabar bermoqda.
Xabarda aytilishicha, 8-oktabr kuni BND boshlig‘i Gerxard Shindler bundestag nazorat komissiyasiga ayirmachilarning 17-iyul kungi yo‘lovchi samolyoti halokatiga aloqadorligi bo‘yicha batafsil dalillarni taqdim etgan.
Ular ichida sun’iy yo‘ldosh orqali olinib, ekspertlar tomonidan baholangan ma’lumotlar va turli fotosuratlar mavjud. Shindlerning so‘zlariga ko‘ra, ayirmachilar aksilterrorchilik operatsiyasi kuchlaridan “Buk” zenitli raketa majmuasini tortib olib, undan o‘q uzgan, raketalar Malayziya samolyoti yaqinida portlagan.
“Bu rossiyaparast ayirmachilarning ishi”, — deya Shindlerning MH17 reysi halokati bo‘yicha ma’ruzasidan iqtibos keltirdi Der Spiegel.
Izoh (0)