Germaniyaning Kyoln shahrida joylashgan Team Breker kimoshdi savdosi uyi Rossiya prezidenti Vladimir Putinning mexanik haykalchasini sotuvga qo‘yadi. 14—15-noyabr kunlari bo‘lib o‘tadigan kimoshdi savdosi haqida tashkilot o‘zining YouTube’dagi rasmiy kanali orqali xabar bergan.
Putin stol qarshisida o‘tirgan va qandaydir hujjatni g‘oz pati bilan imzolayotgan ko‘rinishda tasvirlangan. Video ostidagi izohda prezident Qrimning Rossiya tarkibiga qo‘shib olinishi to‘g‘risidagi qonunni imzolayotgani aytilgan. Mexanik haykalchaning aylanadigan boshi, shishadan yasalgan ko‘zlari, klassik uslubdagi qora kostyumi bor. Stolcha ustida lampa ham mavjud.
https://www.youtube.com/watch?v=4UUnsYqNx54
Mexanik kompozitsiya shveysariyalik qo‘g‘irchoq ustasi Kristian Bayi tomonidan yasalgan. Bu usta qimmatbaho o‘yinchoqlar yasashga ixtisoslashgan bo‘lib, fleyta chaladigan yigitning mexanik qo‘g‘irchog‘ini yasash uchun 15 ming dollar atrofidagi mablag‘ni sarflagan va bu obyekt olti million dollardan ortiqroq narxga sotilgan.
Izoh (0)