Ba’zi yevropalik yetakchilar Rossiya va Ukraina o‘rtasidagi muzokaralar yaxshi natija bergani haqida gapirayotgan bo‘lsa-da, aslida uchrashuv muvaffaqiyatsiz yakunlandi. Bu haqda Germaniya kansleri Angela Merkel bayonotiga tayanib “Yevropeyskaya Pravda” xabar berdi.
Italiya bosh vaziri Matteo Rensi Milanda bo‘lib o‘tgan ko‘p tomonlama uchrashuvdan so‘ng ijobiy fikrlar bildirdi. Biroq Kreml muzokaralarning murakkab o‘tganini va noaniqliklarga to‘la bo‘lganini ma’lum qildi. Pyotr Poroshenko va Vladimir Putinning ko‘p tomonlama formatdagi uchrashuvi mavzusi Ukraina-Rossiya chegaralarining Minsk bitimlariga asosan nazorat qilinishi bo‘ldi.
Buyuk Britaniya bosh vaziri Devid Kemeron esa uchrashuvdan so‘ng Rossiya Ukrainadagi vaziyatni yumshatish istagini isbotlashi kerakligini, aks holda Yevroittifoq unga bosim o‘tkazishni davom ettirishga tayyorligini aytdi.
Izoh (0)