Rustam Qosimjonov FIDE Gran-Prisida ketma-ket ikkinchi bor mag‘lubiyatga uchradi

Ozarbayjon poytaxti Boku shahrida shaxmat bo‘yicha nufuzli FIDE Gran-Prisi davom etmoqda. 13-oktabr kuni musobaqada 10-tur partiyalari o‘ynaldi, deb xabar bermoqda “Olamsport”.

O‘zbekiston vakili rossiyalik Alenksandr Grishchukka qarshi oq donalarda harakat qilishiga qaramay, 33-yurishdan keyin mag‘lubiyatni tan olishga majbur bo‘ldi. Bundan avvalroq Qosimjonov amerikalik Xikaru Nakamuraga 23-yurishdan keyin mag‘lub bo‘lgan edi.

Ketma-ket ikki mag‘lubiyat o‘zbekistonlik shaxmatchini so‘nggi 11-tur oldidan 4,5 ochko bilan 9-o‘ringa pastlashiga sabab bo‘ldi.

11-turda Qosimjonov o‘zi singari 4,5 ochkoga ega bo‘lib turgan ozarbayjonlik Shaxriyar Mamadiyarov bilan munosabatlariga oydinlik kiritadi.

FIDE Gran-prisi. 1-bosqich

10-tur natijalari:

Gelfand — Rajabov 1-0, Dominges — Karuana 0-1, Qosimjonov — Grishchuk 0-1, Tomashevskiy — Andreykin 1-0, Karyakin — Svidler hamda Nakamura — Mamadiyarov partiyalarida durang qayd etildi.

Turnir jadvalidagi holat:

1-2. Karuana, Gelfand — 6 tadan;

3-6. Nakamura, Karyakin, Svidler, Tomashevskiy — 5,5 tadan;

7-8. Rajabov, Grishchuk — 5 tadan;

9-10. Qosimjonov, Mamadiyarov — 4,5 tadan;

11. Andreykin — 4;

12. Dominges — 3.