Google, Apple va Microsoft kompaniyalarining ovozli yordamchilari jangida Google Now g‘alaba qozondi. Har holda, Stone Temple Consulting agentligi o‘tkazilgan sinov natijalariga ko‘ra shunday xulosaga kelgan. Bu haqda Mail.Ru ma’lumotiga asoslanib “Parol” nashri xabar berdi.
Sinovda Microsoft’ning Cortana ovozli yordamchisi Nokia Lumia 635, Apple’ning Siri’si iPhone 4s va Google Now esa iPhone 5 smartfonlarida sinovdan o‘tkazilgan. Sinov davomida har bir ovozli yordamchi dasturga 3086 tadan savol berilgan. Savollar esa “Sevgi nima?”, “Besh dollarlik kupyurada kimning surati bor?”, “Nima uchun osmon ko‘k rangda?” kabi bo‘lgan.
Ovozli yordamchilarning javoblari esa ikki xil — qisman va to‘liq ko‘rinishda berildi deb qabul qilingan. Har ikkala yo‘nalishda ham Google Now ovozli yordamchisi yaqqol g‘olib bo‘lgan. Quyida esa ularning yo‘nalishlar bo‘yicha javob berish natijalari bilan tanishishingiz mumkin.
- Qisman: Google Now — 58%, Siri — 29%, Cortana — 20%.
- To‘liq: Google Now — 88%, Siri — 53%; Cortana — 40%.
Izoh (0)