Toshkentdagi “Fleshka” savdo majmuasida yangi BlackBerry Q5 smartfoni 1 million so‘mdan sotila boshlandi. Bu haqda Mobinfo.uz sayti ma’lumotiga asoslanib “Parol” nashri xabar berdi.
Ushbu smartfonda 3,1 dyuym 720×720 pikselli sensor-displey, QWERTY-klaviatura, 1,2 GGs chastotaga ega ikki yadroli Snapdragon 400 protsessori, 2 Gb tezkor va MicroSD yordamida 32 gigabaytgacha kengaytirish mumkin bo‘lgan 8 Gb ichki xotira, 2 megapikselli old va 5 megapikselli orqa kamera, almashtirib bo‘lmaydigan 2180 mA·soat quvvatga ega batareya, NFC, Wi-Fi va Bluetooth 4.0 o‘rnatilgan.
U quyiroq xususiyatlarga ega bo‘lsa-da, narxi esa hech ham quyiroq emas. Shunday emasmi? :)
Taqqoslash uchun: BlackBerry Q5 bilan narxlari deyarli bir xil, ammo xususiyatlari undan ancha yuqori bo‘lgan hamda O‘zbekistonda sotilayotgan smartfonlar:
- Apple iPhone 4s — 1 150 000 so‘m;
- Nokia Lumia 1320 — 1 050 000 so‘m;
- Samsung Galaxy S4 mini — 1 000 000 so‘m;
- Huawei Ascend P6 — 930 000 so‘m;
- Alcatel One Touch Alpha — 810 000 so‘m.
Izoh (0)