Samsung kompaniyasi sentabr boshida SIM-karta o‘rnatiladigan Gear Solo aqlli soatini e’lon qilishi mumkin. Bu haqda Phonearena.com ma’lumotiga asoslanib “Parol” nashri xabar berdi.
Gear Solo aqlli soati taqdim etilishi haqidagi mish-mishlar yil boshida paydo bo‘lgan edi. Uning avvalgi Samsung aqlli soatlari – Gear Live, Gear 2, Galaxy Gear’lardan farqi SIM-karta o‘rnatish mumkinligidadir. Gear Solo’ning ushbu xususiyati sabab uni smartfonsiz ham ishlatish mumkin bo‘ladi.
Yangi aqlli soat Gear Live kabi Android yoki Gear 2 kabi Tizen operatsion tizimida ishlashi haqida ma’lumot yo‘q.
Shuningdek, yangi Galaxy Note smartfonining e’lon qilinishi 3-sentabrda bo‘lishi kutilayotgan bo‘lsa, Janubiy Koreyaning Yonhap News nashri ma’lumotiga ko‘ra, Gear Solo aqlli soatining e’lon qilinish sanasi 4-sentabrda bo‘lishi mumkin.
Izoh (0)