Amerika Qo‘shma Shtatlari poytaxti Vashington shahrida tennis bo‘yicha mukofot jamg‘armasi 1 399 700 dollarni tashkil etgan City Open xalqaro turnirining asosiy to‘r bahslari davom etmoqda. Bu haqda “Olamsport” ma’lum qildi.
Dunyoning yetakchi raketka ustalari ishtirokida o‘tayotgan mazkur musobaqada o‘zbekistonlik Denis Istomin ham o‘z imkoniyatini sinovdan o‘tkazdi.
Turnirda 15-raqam ostida saralangan Istomin uchinchi davrada amerikalik Donald Yang bilan kuch sinashdi. Unda AQSh vakili 6:3, 3:6, 6:3 hisobida g‘alaba qozonib, keyingi bosqichga yo‘l oldi.
Yang dunyo reytingida 73-pog‘onadan joy olgan. Denis Istomin esa 41-o‘rinni band etgan. Denis ushbu musobaqa orqali 16 625 dollar hamda 45 reyting ochkosiga ega bo‘ldi.
Izoh (0)