Samsung kompaniyasi iyul oyi boshida yangi Galaxy Tab S planshetini taqdim etdi va uni “eng yaxshi planshet” deb nomladi. Phonearena.com sayti esa bu ibora qanchalik to‘g‘ri ekanligini tekshirish maqsadida ijtimoiy so‘rov o‘tkazdi. Bu haqda “Parol” nashri xabar berdi.
So‘rov natijalariga ko‘ra, 1306 kishi (73,21%) Galaxy Tab S planshetini eng yaxshi deb bilgan bo‘lsa, 478 kishi (26,79%) esa planshet protsessori yoki dizayni sabab uni eng yaxshi deb hisoblamagan.
Eslatib o‘tamiz, Samsung Galaxy Tab S planshetining ikki xil – 10,5 va 8,4 dyuym displeyli turi mavjud. Ular 1600×2560 pikselli displey o‘rnatilgan dunyodagi ilk planshet hisoblanadi. Shuningdek, qurilma 8 megapikselli kamera, 3 Gb tezkor xotira, kengaytirish mumkin bo‘lgan ichki xotiraga ega. U Android 4.4 KitKat operatsion tizimida ishlaydi.
Izoh (0)