Ravshan Ermatovga JCh — 2014 final bahsi berilmagani borasida san’atkorlarning fikrini berishda Sayyod.uz davom etmoqda.
Ozoda Saidzoda: — Argentina jamoasi o‘z “boykot”i bilan nohaqlik qildi deb hisoblayman. Ravshan Ermatovning uslub va prinsiplari kimlargadir yoqmasa kerak, Argentina komandasi kabi. Men Ermatov bilan final matchini kutgandim, afsuski, bu bo‘lmadi.
Davron Ergashev: — Ermatovning finalga qo‘yilish-qo‘yilmasligini biz hal qila olmasdik, FIFA va UEFAning o‘z qonun-qoidalari, qarorlari bor. To‘g‘ri, Ravshan Ermatov ko‘p hakamlarning orasida loyiqrog‘i edi. Boshqa hakam tayinlanganini noto‘g‘ri deb aytishga yana bir sabab, finalda Germaniya va Argentina bo‘lsa, Yevropa jamoasi qatnashayotgan finalga yevropalik hakam qo‘yilishining o‘zi noto‘g‘ri edi. Fikrimcha, bu noto‘g‘ri! Yevropa komandasi hamda o‘yin hakami ham yevropalik bo‘lsa, baribir o‘zining qit’asiga yon bosadi.
Shahnoz (xonanda shoira va bastakor): — Ravshan Ermatovning jahon chempionati final o‘yinini olib bormasligi, mening fikrimcha, umuman nohaqlik bo‘ldi. Ermatovni FIFAning boshlig‘i shaxsan o‘zi maqtagandi. Chunki Osiyo hakamlari ichida 4 yildan beri eng zo‘r hakam bu Ravshan Ermatov. Jahon chempionati o‘yinlarini olib borishga eng munosib hakamlardan deb tan olingan. Chempionatda qatnashgan komandalarning hammasi tomonidan yig‘ilgan ovozlarning 98 foizi Ravshan Ermatovga tegishli edi. U yerda finalni olib borishi kerak bo‘lgan hakamni aniqlash uchun shu finalga yetib kelgan va yetib kela olmagan jamolardan ovozlar to‘planardi.
Izoh (0)