Равшан Эрматовга ЖЧ — 2014 финал баҳси берилмагани борасида санъаткорларнинг фикрини беришда Sayyod.uz давом этмоқда.
Озода Саидзода: — Аргентина жамоаси ўз «бойкот»и билан ноҳақлик қилди деб ҳисоблайман. Равшан Эрматовнинг услуб ва принциплари кимларгадир ёқмаса керак, Аргентина командаси каби. Мен Эрматов билан финал матчини кутгандим, афсуски, бу бўлмади.
Даврон Эргашев: — Эрматовнинг финалга қўйилиш-қўйилмаслигини биз ҳал қила олмасдик, ФИФА ва УЕФАнинг ўз қонун-қоидалари, қарорлари бор. Тўғри, Равшан Эрматов кўп ҳакамларнинг орасида лойиқроғи эди. Бошқа ҳакам тайинланганини нотўғри деб айтишга яна бир сабаб, финалда Германия ва Аргентина бўлса, Европа жамоаси қатнашаётган финалга европалик ҳакам қўйилишининг ўзи нотўғри эди. Фикримча, бу нотўғри! Европа командаси ҳамда ўйин ҳаками ҳам европалик бўлса, барибир ўзининг қитъасига ён босади.
Шаҳноз (хонанда шоира ва бастакор): — Равшан Эрматовнинг жаҳон чемпионати финал ўйинини олиб бормаслиги, менинг фикримча, умуман ноҳақлик бўлди. Эрматовни ФИФАнинг бошлиғи шахсан ўзи мақтаганди. Чунки Осиё ҳакамлари ичида 4 йилдан бери энг зўр ҳакам бу Равшан Эрматов. Жаҳон чемпионати ўйинларини олиб боришга энг муносиб ҳакамлардан деб тан олинган. Чемпионатда қатнашган командаларнинг ҳаммаси томонидан йиғилган овозларнинг 98 фоизи Равшан Эрматовга тегишли эди. У ерда финални олиб бориши керак бўлган ҳакамни аниқлаш учун шу финалга етиб келган ва етиб кела олмаган жамолардан овозлар тўпланарди.
Изоҳ (0)