Beeline aloqa operatori Facebook ijtimoiy tarmog‘ining korporativ sahifasida futbol bo‘yicha jahon chempionatiga bag‘ishlangan Zo‘r-Zo‘r Cup tanlovi o‘tkazilishini e’lon qildi. Futbol bo‘yicha jahon chempionati davomida har kuni sahifa foydalanuvchilariga har bir o‘yinning hisobini topish taklif etiladi. 12-iyundan 13-iyulga qadar tanlov ishtirokchilariga sovg‘a ballari qo‘shiladi, ularning yakunlari bo‘yicha g‘oliblar aniqlanadi. Bu haqda kompaniya matbuot xizmati xabar berdi.
Zo‘r-Zo‘r Cup tanlovi g‘olibini bosh sovrin — Samsung Galaxy S III mini smartfoni kutmoqda. Ikkinchi o‘rinni egallagan ishtirokchi 3G Wi-Fi ruterni qo‘lga kiritadi, uchinchi o‘rin sohibi esa USB-modemning egasiga aylanadi. Braziliya va Xorvatiya terma-jamoalari o‘rtasidagi o‘yin natijalari haqidagi birinchi savol ertaga 11-iyun kuni soat 10:00 da beriladi.
Izoh (0)