“Daryo” internet-nashrining iPhone uchun dasturi App Store'dagi “Atrofimdagi ommabop dasturlar” (Popular Near Me) qatoridan o‘rin oldi. “Bu dasturning O‘zbekistonda ommalashayotganidan dalolatdir”, — deydi loyiha rahbari Farhod Fayzullayev.
“Atrofimdagi ommabop dasturlar” ro‘yxatidan, “Daryo” dasturidan tashqari, yana uch dastur: Afisha Media kompaniyasining Afisha Mobile va Gazeta.uz va Global Solutions'ning Tashkent Air ilovasi o‘rin olgan.
iTunes Connect xizmati statistikasida qayd etilishicha, 9-iyun holatiga ko‘ra “Daryo”ning iOS operatsion tizimiga mo‘ljallangan dasturi 2000 martadan ortiq yuklab olingan. 5-iyun kuni dastur yangilanib, yangiliklarni nafaqat lotin, balki kirill alifbosida ham o‘qish imkoniyati yaratildi.
Eslatib o‘tamiz, “Daryo” nashrining iOS qurilmalari uchun dasturini 1-maydan boshlab Apple’ning mobil dasturlar do‘koni — App Store’dan yuklab olish mumkin.
Bundan tashqari, mart oyida “Daryo”ning Android-smartfonlar uchun dasturi taqdim etilgan edi. Shu kunga qadar dastur 9000 marta yuklab olindi va Play Store’da 336 kishi unga a’lo baho berdi. Nashrning Android-smartfonlar uchun dasturini Google Play do‘konidan yuklab olish mumkin.
Izoh (0)