14 yoshgacha bo‘lgan qizlar o‘rtasidagi Jahon chempionatining kumush medali sovrindori Bahora Abdusattorova Osiyo shaxmat federatsiyasi tomonidan “Eng yaxshi yosh shaxmatchi” mukofotiga sazovor bo‘ldi. Bu haqda Al-Ayndagi matbuot anjumanida Osiyo shaxmat federatsiyasi prezidenti shayx Sulton bin Xalifa Al Nahyon e’lon qildi, deb yozadi 12news.uz.
Osiyo shaxmat federatsiyasi mukofoti sovrindorlarini taqdirlash marosimi 25-iyun kuni Birlashgan Arab Amirligining Al-Ayn shahrida bo‘lib o‘tadi.