ATP 5-may holatiga ko‘ra, professional tennischilarning yangi haftalik reytingini e’lon qildi. Unga ko‘ra, O‘zbekistonning birinchi raketkasi Denis Istomin o‘tgan haftadagi o‘rnini saqlab qolgan — 55. Ikkinchi raqamli tennischimiz Farrux Do‘stov esa bir pog‘ona pastlagan – 165. Bu haqda “Olamsport” xabar berdi.
Eng katta o‘sishga Myunxen turniri g‘olibi Martin Klijan erishgan. Slovakiyalik tennischi 49 pog‘ona ko‘tarilib, Top-100ga kirishga muvaffaq bo‘lgan.
Klijan avvalgi reytingda 111-o‘rinni egallab turgan edi. Myunxen turnirining chorak finalida Denis Istomin Klijanga 7:6, 1:6, 6:1 hisobida imkoniyatni boy bergan edi.
5-may holatiga ko‘ra, ATP Reytingi:
- 1-o‘rin — Rafael Nadal (Ispaniya) — 12900
- 2-o‘rin — Novak Jokovich (Serbiya) — 11040
- 3-o‘rin — Stanislas Vavrinka (Shveysariya) — 6375
- 4-o‘rin — Rojer Federer (Shveysariya) — 5805
- 5-o‘rin — David Ferrer (Ispaniya) — 4850
- 6-o‘rin — Tomash Berdix (Chexiya) — 4780
- 7-o‘rin — Xuan Martin del Potro (Argentina) — 4215
- 8-o‘rin — Endi Marrey (Buyuk Britaniya) — 4040
- 9-o‘rin — Milosh Raonich (Kanada) — 2580
- 10-o‘rin — Jon Izner (AQSh) — 2555
- ... 55-o‘rin — Denis Istomin (O‘zbekiston) — 895
- ... 165-o‘rin — Farrux Do‘stov (O‘zbekiston) — 339