Toshkent viloyatining Yangibozor shossesida 7—11-aprel kunlari erkaklar o‘rtasida shosse velosporti bo‘yicha O’zbekiston ochiq chempionati bo‘lib o‘tdi. Bu haqda, O’zbekiston velosport federatsiyasi matbuot xizmatiga asoslanib, “Gazeta.uz” xabar bermoqda.
Musobaqa to‘rt bosqichdan iborat ko‘pkunlik velopoyga tartibida davom etib, unda ishtirokchilar 25 kilometr masofani vaqtga bosib o‘tish va 108, 124 va 108 kilometr masofa bo‘ylab guruh poygalari bo‘yicha bellashishdi, — deb yozadi “Kun” nashri.
To‘rt bosqich yakunlariga ko‘ra, toshkentlik Dmitriy Lozovoy 2014-yilgi O’zbekiston chempioniga aylangan bo‘lsa, Ernest Osmanov (Toshkent viloyati) va Artur Xalilov (Namangan viloyati) mos ravishda kumush va bronza medallar sohibiga aylanishdi.
Izoh (0)