O‘zbekistonning birinchi raqamli tennischisi Denis Istomin Ruminiya poytaxti Buxarest shahrida boshlangan BRD Nastase Tiriac Trophy xalqaro turnirining birinchi davrasida braziliyalik Tomaz Beluchchi bilan bahs yuritib, ikki set yakunlariga ko‘ra 7:6, 7:6 hisobida zafar quchdi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Endi Istomin chorak final yo‘llanmasi uchun Vashek Pospishil (Kanada) va Adrian Ungur (Ruminiya) o‘rtasidagi bahs g‘olibi bilan kurash olib boradi.
Denis Istomin mazkur xalqaro turnirning juftliklar musobaqasida ham ishtirok etadi. Mazkur musobaqada chexiyalik Lukash Rosol bilan bahslarga kirishadigan yurtdoshimiz birinchi davrada Lukash Dlouxi (Chexiya) / Jonatan Marrey (B.Britaniya) dueti bilan kuch sinashadi.
Eslatib o‘tamiz, ushbu turnirning mukofot jamg‘armasi 485 760 yevroni tashkil etadi.
Izoh (0)