Toshkent geodeziya va kartografiya kasb-hunar kollejida Den to Fudokan karate-do shahar federatsiyasi (DTFKShF) seminar trening o‘tkazdi. Unda yaponiyalik jang san’ati ustasi Tanaka Takenori ishtirok etdi. Bu haqda “Anons” nashri xabar berdi.
Tanaka Takenori 8-dan (daraja) qora belbog‘ sohibi, dunyo darajasida tan olingan ustadir. U JKS (Japan Karate Shoto) uyushmasining Gifudagi bosh qarorgohi rahbari bo‘lish bilan birga, Rossiyadagi JKS vitse-prezidenti hamda Rossiya Syotokan karate federatsiyasi prezidenti hamdir.
Seminar davomida murabbiy sportchilarning nafaqat jismoniy jihatdan tayyorgarliklari, balki jang san’atining ruhiy an’analariga rioya qilish, jangdagi sheriklariga hurmat bilan munosabatda bo‘lish ahamiyati haqida ham gapirib o‘tdi.
Izoh (0)