Braziliyada sigir uch kunda rekord miqdorda 343 litr sut berdi

Braziliyada sigir uch kunda rekord miqdorda sut berdi. Bu haqda Oddity Central xabar bermoqda.

Delfim Moreyra shahrida jirolando zotli sigir uch kun davomida 343 litr sut berib, yangi rekord o‘rnatgan. Jo‘nivor bir kunda 120 litr sut bergan. Bu ko‘rsatkich Ginnesning jahon rekordiga yaqin.

Jirolando - golshtin va gir zotli sigirlarni chatishtirish natijasida yaratilgan Braziliya zoti bo‘lib, yuqori sut mahsuldorligi bilan mashhur. Bu zotga mansub sigirlar 305 kunlik laktatsiya davrida o‘rtacha 3600 litr atrofida, ayrim namunalari esa sutkasiga 100 litrdan ortiq sut beradi.

Sutkalik sut mahsuldorligi bo‘yicha jahon rekordi 2019-yil 3-avgustda 127,6 litr sut bergan sigirga tegishli. Fermerlar sut musobaqalari oldidan oylab hayvonlarni tayyorlab, ozuqasini yaxshilaydilar. So‘nggi yillarda musobaqa qoidalari qattiqlashtirildi - taqiqlangan moddalar uchun sinovlar joriy etildi, chorva mollarini musobaqadan kamida 48 soat oldin olib kelish majburiyati qo‘yildi va kuniga uch marta sog‘ish o‘rtasida sakkiz soatlik qat’iy interval belgilandi.