Ukraina Rossiya bilan havodan hujumlarni to‘xtatish bo‘yicha sulh tuzishga tayyor. Bu haqda Ukraina prezidenti ofisi rahbari maslahatchisi Mixail Podolyak Corriere della Sera nashriga bergan intervyusida aytib o‘tgan.
Podolyakning so‘zlariga ko‘ra, Vashington to‘liq o‘t ochishni to‘xtatishni, jumladan, raketa zarbalari va dron hujumlaridan voz kechishni taklif qilgan.
“Bu ssenariylardan birortasi Rossiya tomonidan qabul qilinmadi. Havo hujumlari — bu Moskvaning Ukrainaga psixologik bosim o‘tkazish uchun qo‘llaydigan asosiy vositasi. Rossiyaning aviatsiya kuchlari va dronlardan keng miqyosda foydalanish imkoniyatidan voz kechishi dargumon. Biroq Ukraina bu masalani muhokama qilishga, bu ssenariyni ko‘rib chiqishga tayyor. Biz buni real muzokaralar uchun boshlang‘ich bosqich deb hisoblaymiz”, degan Podolyak.
Qayd etilishicha, 5-avgust kuni Amerika prezidenti Donald Tramp Ukraina va Rossiyaga o‘t ochishni zudlik bilan to‘xtatishni taklif qilgan edi. Trampning taklifi Vladimir Zelenskiy tomonidan qo‘llab-quvvatlangan.
“Biz o‘t ochishni va odamlarning o‘ldirilishini qanday to‘xtatish bo‘yicha juda ko‘p variantlarni sinab ko‘rdik. Biz Rossiyaga fuqarolik va energetik infratuzilma obyektlariga havodan hujum uyushtirmaslikni taklif qildik. Bularning barchasi rossiyaliklar tomonidan buzildi”, degan Zelenskiy.
Izoh (0)