Qurbon hayiti munosabati bilan qo‘shimcha mahalliy aviaqatnovlar yo‘lga qo‘yiladi

Uzbekistan Airways Qurbon hayiti bayrami munosabati bilan respublika ichidagi bir qancha aviayo‘nalishlarga qo‘shimcha aviaqatnovlar joriy etadi. Bu haqda Transport vazirligi matbuot xizmati xabar berdi.

Qo‘shimcha reyslar:

• Toshkent—Namangan—Toshkent — 15-iyun;
• Toshkent—Buxoro—Toshkent — 15, 17, 18-iyun;
• Toshkent—Termiz—Toshkent — 15, 16, 17, 18-iyun;
• Toshkent — Samarqand — Toshkent — 16-iyun;
• Toshkent—Urganch—Toshkent — 16, 18-iyun;
• Toshkent—Farg‘ona—Toshkent — 17-iyun kunlari amalga oshiriladi.

Parvoz jadvali haqida maʼlumot va aviachiptalarni aviakompaniya sayti, Uzbekistan Airways Sales filiallari va aviakompaniya agentlaridan olish mumkin.

• Prezident qarori bilan Qurbon hayiti 16-iyun — yakshanba kuni nishonlanadi.
• Haftasiga 5 kun ishlaydigan o‘zbekistonliklar ketma-ket 4 kun dam oladi: 17-iyun ko‘chirilgan dam olish kuni, 18-iyun esa barcha xodimlar uchun qo‘shimcha dam olish kuni bo‘ladi.
• Toshkent metropoliteni Qurbon hayiti kuni o‘z faoliyatini odatdagidan 2 soat oldin boshlaydi.