Buyuk Britaniya bosh vaziri Kir Starmer Rossiya prezidenti Vladimir Putin “tinchlikdan qochayotgani uchun tovon to‘lashi kerakligini” ta’kidladi. Bu haqda Arab News xabar berdi.
“Ukraina bo‘ylab o‘lim va qon to‘kilishi davom etayotgan bir paytda, Putinning sarosimaga tushishi va kechiktirish taktikasiga chidab bo‘lmaydi. To‘liq va so‘zsiz o‘t ochishni to‘xtatishga kelishish lozim. Agar Rossiya muzokaralar stoliga o‘tirishni istamasa, Putin buning uchun tovon to‘lashi kerak," dedi Starmer.
16-may kuni Albaniya poytaxti Tiranada Yevropa Ittifoqi va boshqa 20 ta davlat a’zolarini birlashtirgan Yevropa siyosiy hamjamiyati yig‘ilishi rejalashtirilgan. Shuningdek, Rossiya va Ukraina delegatsiyalari Istanbulda Ukrainadagi mojaroni tugatish bo‘yicha muzokaralar o‘tkazish uchun uchrashishi aytilgan. Ammo, muzokaralarda Putin ham, Ukraina prezidenti Vladimir Zelenskiy ham ishtirok etmasligi kutilmoqda. AQSH davlat kotibi Marko Rubio esa ularning tinchlikka erishishiga shubha bilan qaramoqda.
Yevropa siyosiy hamjamiyati 2022-yilda Fransiya prezidenti Emmanuel Makron tashabbusi bilan Rossiyaning Ukrainaga bostirib kirishiga javoban tashkil etilgan.
Londonning ta’kidlashicha, agar Rossiya o‘t ochishni to‘xtatishga rozi bo‘lmasa, yaqin kunlarda keng ko‘lamli sanksiyalarning markaziy nishoni Rossiya energetikasi bo‘ladi. Yevropa Ittifoqi va Britaniya 14-may kuni Rossiyaning neft flotiga qarshi yangi sanksiyalarni ma’qullagan.
Izoh (0)