Rossiyaning “Kama” kompaniyasi O‘zbekistonda elektromobil ishlab chiqarish imkoniyatlarini ko‘rib chiqmoqda. Bu haqda kompaniya bosh direktori Igor Povarazdnyuk “TASS”ga bergan intervyusida ma’lum qildi.
Rossiya va O‘zbekiston prezidentlarining uchrashuvida mahalliy bozor va Markaziy Osiyo mamlakatlari uchun O‘zbekistonda “Atom” elektromobillarini ishlab chiqarish masalasi muhokama qilindi. Biz bu g‘oyani bir necha hamkorlar bilan o‘rganib chiqdik.
O‘zbekiston avtomobil bozori juda qiziq: uning hajmi katta va mamlakatda sotilayotgan barcha avtomobillarning qariyb 6 foizini elektromobillar tashkil etadi. Shuning uchun mazkur istiqbolli yo‘nalishni o‘rganishni davom ettirishni rejalashtirmoqdamiz, — dedi u.
“O‘zbekistonda ‘Atom’ elektromobillarini ishlab chiqarishni yo‘lga qo‘yish imkoniyati ko‘rib chiqilmoqda”, degan edi Rossiya prezidenti Vladimir Putin 2023-yil oktyabr oyida O‘zbekiston prezidenti Shavkat Mirziyoyev bilan uchrashuvda.
Izoh (0)