Қорақалпоғистоннинг Амударё туманида келиннинг сепи эрининг уйидан МИБ орқали олиб берилди. Бу ҳақда МИБ ахборот хизмати “Дарё”га хабар берди.
![](/static/2024/04/17/ms-KPPth8BA.jpg)
Унга кўра, фуқаролик ишлари бўйича Амударё туман судининг 2023 йилдаги ижро ҳужжатига асосан даъвогар М.О.га жавобгар А.Х.дан унинг яшаш манзилида турган қариб 15 миллион сўмлик 46 атамадаги сеп мол-мулкларни олиб бериш белгиланган. Ушбу ижро ҳужжати Мажбурий ижро бюроси Амударё туман бўлими иш юритувига келиб тушиб, бўлим ходимлари томонидан ижро ҳаракатларига киришилган.
![](/static/2024/04/17/ms1-ulGPXQh9.jpg)
Хусусан, ижрони таъминлаш мақсадида МИБ ходимлари томонидан жавобгарнинг яшаш манзилига жорий йилнинг 13 апрель куни борилиб, олиб берилиши лозим бўлган қариб 15 миллион сўмлик 46 атамадаги сеп мол-мулклар даъвогар М.О.га олиб берилиб, суд қарори ижроси амалда таъминланган.
![](/static/2024/04/17/ms2-XGOIdbwY.jpg)
Изоҳ (0)