Бухоро вилоятида севган қизига кутилмаган совға қилмоқчи бўлган вайнер жаримага тортилди. Бу ҳақда вилоят ИИБ хабар берди.
Маълум қилинишича, блогер йигит 2 апрель куни Бухоро шаҳрида гўёки севган қизига кутилмаган совға қилиш баҳонасида суратга олган видеолавҳасида бошқарувида бўлган KIA автомашинасини қарама-қарши бошқарган. Сирғали чизиғини босиб амалдаги йўл ҳаракати қоидасини ҳам бузган.
Мазкур видеолавҳа унинг ижтимоий тармоқдаги саҳифасига жойланган. Ҳолат вилоят ички ишлар бошқармаси йўл ҳаракати хавфсизлиги бошқармаси инспекторлари томонидан зудлик билан ўрганилиб, қоидабузарлик аниқланган автомашина жарима майдонига жойлаштирилган. Айбдор ҳайдовчига нисбатан қонуний жазо чоралари кўрилди.
Изоҳ (0)