Ўзбекистон президенти ёрдамчиси Саида Мирзиёева “Палаззо Франчетти” саройида бўлиб ўтаётган “Your ghosts are mine” кўргазмасига таклиф учун Шейха Ал Майасса хонимга миннатдорлик билдирди.
“Кўргазма менда катта таассурот қолдирди”, — деб ёзади Саида Мирзиёева.
Аввалроқ Венеция биенналесида 18 апрель куни иккинчи маротаба Ўзбекистон павильони очилгани ҳақида хабар берилганди. Ўзбекистон президенти ёрдамчиси Саида Мирзиёева бу йил анъаналар билан технологиялар ўртасидаги боғлиқлик ҳақида ҳикоя қилувчи “Don’t Miss the Cue” кўргазмаси тақдим этилаётганини маълум қилди.
“Ушбу лойиҳа ўзбек аёлининг маданий ва тарихий илдизларини анъанавий ҳунармандчилик маҳсули бўлган тўқимачилик, либослар орқали англашга ёрдам беради. Мени бу ноёб лойиҳа чиндан ҳайратга солди”, — деб ёзади Саида Мирзиёева.
Изоҳ (0)