“Афросиёб” поездида чипталар нархи 15 майдан ошади. Бу ҳақда “Ўзбекистон темир йўллари” АЖ матбуот хизмати хабар берди.
Маълум қилинишича, бу темирйўл инфратузилмасини ислоҳ қилиш, электр-энергия, ёқилғи, логистика ва транспорт харажатларини қоплаш, шунингдек, янги юқори тезликда ҳаракатланувчи электропоездларни харид қилиш мақсадида амалга оширилмоқда.
Шу боис 2024 йил 15 майдан бошлаб юқори тезликда ҳаракатланувчи “Афросиёб” электропоездларининг чипталар нархлари эконом класс 20 фоиз, бизнес класс 30 фоиз ва VIP класс 40 фоиз миқдорда ошмоқда.
Эндиликда нархлар қуйидагича бўлади:
Тошкент—Бухоро
- VIP — 890 000 сўм
- Бизнес — 600 000 сўм
- Эконом — 403 000 сўм
Тошкент—Қарши
- VIP — 747 000 сўм
- Бизнес — 507 000 сўм
- Эконом — 338 000 сўм
Тошкент—Самарқанд
- VIP — 554 000 сўм
- Бизнес — 358 000 сўм
- Эконом — 244 000 сўм
Аввалроқ Ўзбекистонда 2024 йил 20 январдан бошлаб юқори тезликда ҳаракатланувчи “Афросиёб” электропоездлари ҳамда “Шарқ”, “Насаф” ва “Ўзбекистон” тезюрар поездларининг чипталар нархи 20 фоизга ошиши ҳақида хабар берилганди.
Изоҳ (0)