Алишер Хидиров 4 февралдан Сирдарё вилояти ҳокими ўринбосари этиб тайинланди. Бу ҳақда вилоят ҳокимлиги матбуот хизмати хабар берди.
У ҳокимнинг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари бўлди.
Ушбу тайинловга қадар Алишер Хидиров “Ўзбекистон темир йўллари” акциядорлик жамияти “Ўзтемирйўлйўловчи” акциядорлик жамияти маркетинг ва сервис хизматлари бўйича директори вазифасида фаолият олиб борган.
2025 йил 16 январь куни президент раислигида бўлиб ўтган йиғилишда Сирдарё вилояти ҳокими Акмалжон Маҳмудалиев лавозимидан озод этилганди. Бунга ҳудудида инвестицияларни жалб қилиш, қишлоқ хўжалигини ривожлантириш ва бошқа йўналишлардаги фаолиятда жиддий камчиликларга йўл қўйгани сабаб бўлди.
Унинг ўрнига 2018 йил июлдан буён Самарқанд вилояти ҳокими лавозимида ишлаб келган Эркинжон Турдимов Сирдарё вилояти ҳокими вазифасини бажарувчи этиб тайинланди.
Изоҳ (0)