Ўзбекистонда айрим тадбиркор ва юридик шахслар давлат божини тўлашдан озод этилади.
Президент томонидан 2025 йил 13 январда имзоланган қонун билан “Давлат божи тўғрисида”ги қонунга қўшимчалар ва ўзгартириш киритилди. Қонунга киритилган қўшимчага кўра, маъмурий-ҳудудий бирликлар тузилгани ёки тугатилгани, уларнинг чегаралари ёки бўйсунуви ўзгартирилгани натижасида тадбиркорлик субъектларининг ва бошқа юридик шахсларнинг жойлашган ери (почта манзили) ўзгарганда улар қайта давлат рўйхатидан ўтказганлик учун давлат божини тўлашдан озод этилади.
Шунингдек, суғурта қилдирувчилар мажбурий суғурта шартномаларидан келиб чиқадиган даъволар юзасидан давлат божини тўлашдан озод этилишини назарда тутувчи қўшимчалар киритилмоқда.
Бунда суғурта қилдирувчилар (суғурталанган шахслар, наф олувчилар, жабрланувчилар) мажбурий суғурта шартномаларидан келиб чиқадиган даъволар юзасидан Фуқаролик ишлари бўйича судларда ва Иқтисодий судларда давлат божини тўлашдан озод этилади.
Қонун расмий эълон қилинган кундан эътиборан кучга киради.
Изоҳ (0)